Aktivitetet Ndërgjegjësues

Më 3 korrik në Tiranë, vjen një tjetër ndalesë e veçantë e takimeve ndërgjegjësuese të Autoritetit Kombëtar për Sigurinë Kibernetike, me një fokus të veçantë tek përfshirja dhe fuqizimi i grupeve të nënpërfaqësuara. Në qendër të këtij aktiviteti janë qytetarët që shpesh mbeten jashtë hapësirave të informacionit digjital, të cilëve AKSK, në bashkëpunim me shoqatën MEDPAK, me mbështetjen e One Albania, si edhe me ndihmën e “Ambasadorit” të këtyre grupeve, Luanit, po u jep zë, mbështetje dhe dije praktike. Ky sesion është shumë më tepër se një trajnim, është një takim i drejtpërdrejtë me përfaqësues të komuniteteve të ndryshme, ku flitet për rreziqet në internet, mashtrimet digjitale, mbrojtjen e të dhënave dhe për mënyrat konkrete si të lundrosh i sigurt në botën online. Me një gjuhë të kuptueshme dhe një qasje miqësore, ky aktivitet synon të sjellë më afër çdo qytetar me sigurinë kibernetike, duke ndërtuar hap pas hapi një kulturë përfshirëse dhe të qëndrueshme mbrojtjeje në hapësirën digjitale shqiptare.