June 30 @ 6:00 pm - 7:30 pm
Në edicionin e pestë të Product Launch, radhën për t’u prezantuar e ka një startup që sjell ngjyra, kreativitet dhe shpirt në botën e produkteve promocionale. Quhet Stampisti.al, një platformë e re online që i jep jetë çdo ideje përmes personalizimit, dhe që ka lindur nga pasioni i një vajze të re për të bërë çdo dhuratë më kuptimplotë. Pas këtij projekti që po fiton gjithnjë e më shumë vëmendje, qëndron Elena Velaj, një e re që ka zgjedhur të ndërtojë një biznes me shpirt, jo thjesht një dyqan online. Për të, Stampisti nuk është thjesht një faqe ku porosit bluza apo filxhanë me dizajnin tënd, është një mënyrë për të treguar historinë tënde, për të surprizuar dikë që do, apo për të bërë brandin tënd të dallohet me stil dhe dashuri.
